Қазақстан Республикасының Сыртқы істер министрлігі АҚШ құзырлы органдары бұрын табылған адамның жеке басын анықтап, ол Қазақстан азаматы Әсет Құралбай екені расталғанын хабарлады.

Ведомство марқұмның туған-туыстары мен жақындарына көңіл айтып, қайғысына ортақ екендігін жеткізді. Қазіргі уақытта қазақстандық дипломаттар АҚШ органдарымен және Құралбайдың отбасы мүшелерімен тұрақты байланыста болып, консулдық-құжаттық көмек көрсетілуде. Мәселенің ішінде мәйітті Қазақстанға жеткізу және қажетті рәсімдерді жүргізу де қамтылған.

Еске салсақ, бұған дейін Сыртқы істер министрлігі америкалық тараптан Қазақстан азаматына тиесілі болуы мүмкін мәйіттің табылғанын хабарлаған болатын. Қажетті тексерулер жүргізілген соң, марқұмның жеке басы ресми түрде расталды.