Мемлекет басшысы Қасым-Жомарт Тоқаев Солтүстік Македония Республикасының Президенті Гордана Силяновска-Давковаға құттықтау жеделхатын жолдады.

Президент Гордана Силяновска-Давкованы Солтүстік Македония Республикасының ұлттық мерекесі – Тәуелсіздік күнімен құттықтады.

Жеделхатта достық пен өзара түсіністікке негізделген Қазақстан мен Солтүстік Македония арасындағы екіжақты қарым-қатынас дәйекті түрде дамып келе жатқаны атап өтілді.

Қасым-Жомарт Тоқаев Гордана Силяновска-Давкованың жауапты қызметі мен игі бастамаларына толағай табыс тіледі.

Сондай-ақ Мемлекет басшысы Солтүстік Македония халқына құт-береке тіледі.