2024 жылы Солтүстік Корея экономикасы 3,7%-ға өсті — бұл 2016 жылдан бергі ең үлкен көрсеткіш. Экономиканы ілгерілеткен салалар ауыр және химия өнеркесібі. Сондай-ақ ел үш жылдық құлдыраудан босап, дамып келеді. Қазір нақты ЖІӨ 37 трлн вон (26,7 млрд доллар) деп бағаланды.

Экономика өсімі Ким Чен Ынның Қытай және Ресеймен байланыстарының нығаюымен байланысты. 3 қыркүйекте Ким Чен Ын Бейжіңге Си Цзиньпин және Путинмен бірге әскери парадқа қатысуға барады. Қытай Солтүстік Корея экономикасының негізгі тауарлар жеткізіп, сауда айналымымен қамтамасыз етсе, Ресей жанармай мен азық-түлікпен көмек көрсетіп отыр.

Байланысты нығайту мақсатында Солтүстік Корея Ресейдің Украинамен соғысында Путинге қару-жарақ пен әскери техника жеткізушіге айналды. Ел ішінде Ким қару-жарақ бағдарламасына инвестиция құйып, 2023 жылы шамамен $1 млрд тұратын зымыран сынақтарын жүргізді. Пхеньян IT-мамандарын кибершабуылдар мен криптовалюта ұрлығына да пайдаланып жүр.

Алайда өсімге қарамастан, Солтүстік Корея әлі де кедей елдер қатарында 2024 жылғы жалпы ұлттық табыс — 44,4 трлн вон (Оңтүстік Корея экономикасының 1,7%-ы), жан басына шаққандағы табыс — 1,72 млн вон (Оңтүстік Корея деңгейінің 3,4%-ы) болды.

 

Материалды дайындаған: Мөлдір Түктібай