Германия канцлері Фридрих Мерц Украина президенті Владимир Зеленский мен Ресей басшысы Владимир Путиннің кездесуі екіталай, деп хабарлайды ELORDAMEDIA Ulysmedia-ға сілтеме жасап.

Германия мен Францияның ұстанымы қандай?

Фридрих Мерцтің айтуына қарағанда, Берлин мен Париж Украинадағы соғысқа қатысты талқылауды жалғастырғанымен, олардың ортақ көзқарасы – «Зеленский мен Путиннің кездесуі өтпейді» дегенге саяды. Канцлер пікірін Францияның Безансон қаласында, президент Эммануэль Макронмен кездесер алдында білдірді. Канцлердің сөзінше, Дональд Трамп пен Владимир Путиннің өткен аптадағы уағдаласуына қарамастан, Киев пен Мәскеу тікелей келіссөзге жақындамады.

Трамп не дейді?

АҚШ президенті Дональд Трамп та бұған дейін қос мемлекет басшысының кездесуіне күмән келтірген. Оның айтуына қарағанда, «келіссөз қашан олатыны белгісіз, бірақ соғысты тоқтатуға болады, тек жақын арада емес». Америкалық басылымдар, Трамп Путиннің Зеленскиймен кездескісі келмейтінін, себебі ол оған «жақпайтынын» айтып жарыса жазып жатыр. Дегенмен, Ресей президенті «кейде өзі ұнатпайтын адамдармен кездесуге тура келетіні» айтып, ойын толықтырған.

Мерц ескерту жасады

Фридрих Мерц жуырда Берлин «не де болса, бейбітшілік шартына келіспейді» деп нақты айтты. Киевтің берілуі Мәскеуге жаңа соғысқа дайындалу үшін қосымша уақыт беріп қояды деді.

Материалды дайындаған: Мөлдір Түктібай