АҚШ президенті Дональд Трамп Қытаймен тиімді сауда қатынастарын сақтау мақсатында импорттық баж салығын төмендетуі мүмкін. Президент бұл хақында NBC News-ке берген сұхбатында айтты.

BAQ.KZ порталы АҚШ басшысының БАЖ салығына қатысты айтқан пікірін ұсынды:

Бір сәтте мен оны(баж салығын) төмендетемін, әйтпесе біз олармен бизнес жүргізе алмаймыз, — деді Трамп.

Дегенмен Трамп бұл қадамға қашан баратынын, баж салығының қай мерзімде төмендететінін атамаған.

Президенттің сөзіне қарағанда, Қытай экономикасы қазіргі уақытта күрделі жағдайға тап болған және Бейжің АҚШ-пен сауда қарым-қатынасын қалпына келтіруге мүдделі.

Еске сала кетейік, 2 сәуірде Трамп 185 ел мен аумақтың тауарларына 10% көлемінде әмбебап кедендік баж енгізу туралы шешім қабылдады. Бұл баж салығы 5 сәуірде күшіне енді, ал бірқатар елдерге қатысты жеке мөлшерлемелер 9 сәуірден бастап қолданыла бастады. Қытай үшін тарифтер 125%-ға дейін көтерілді. Қытай жауабында 12 сәуірден бастап америкалық тауарларға қарсы өз тарифтерін де 125%-ға дейін арттырды.

Сонымен қатар, Қытай, Канада және Мексикаға қатысты фентанил контрабандасына қарсы күрестегі әлсіз әрекеттері үшін қосымша 20% баж енгізілген. Қытай өнімдеріне АҚШ-тағы жиынтық баж 145%-ға дейін жетіп отыр.